山野遊踪(二十三) 良田坳

2017.04.04
良田坳

清明節假期,和教會朋友相約到屯門良田坳行山, 在起點先來張合照

樂恩今次有俊男Daniel結伴同行

 



謝謝Victor和Samuel 一家能陪伴同行

 
 

 

今天的目的地: 大峽谷

 

對岸已是中國大陸的蛇口

山野遊踪(二十二) 蚺蛇尖.米粉咀

2.1.2017

萬宜水庫

西灣- 剛剛上星期在這裡遇上"沙塵暴"

西貢的牛牛無論在山頂或沙灘, 都可以找到它們的影踪

西灣

美麗的鹹田灣和遠處的蚺蛇尖

鹹田灣的招牌木橋

蚺蛇尖上山的路上熱鬧得很

 

山頂多人到不得了, 風景雖然好靚, 卻無心停留, 怱怱影了幾張相後便落山.

搵個位坐下都無

從蚺蛇尖山頂下望蚺蛇灣

遠處的東灣山和長咀

離開蚺蛇尖後繼續向米粉頂前進

很喜歡在山的高處見到這樣的疊影重重

蚺蛇灣

今天的目標 - 米粉咀

路徑隱蔽, 找了一會才找到下山的小徑

米粉咀

在對岸的後方便是西貢三咀的另一個山咀- 短咀 .
回程路途遙遠, 只停留一會便打道回家.

毅行者2016

2016/11/18-19

熱愛行山多年, 對於毅行者這樣的大型行山活動曾多次躍躍欲試 . 只是要成行其實也不是一件容易的事. 今年有幸給JACK 哥邀請入伍, 也沒有考慮體能是否可以完成便應允了.

隊伍0134: Matthew, Jack哥, John少, Stella姐- 組成毅行全新手小隊

 

出發前大合照. 養和醫院今年共有十隊參加, 最終有九隊完成, 最快的隊伍只用了22小時便完成!

四個人, 八隻腳, 一條心: 齊齊整整一同沖線

9:30 出發!

今年由於同時參加了聖潔盃籃球賽, 每星期日都要操山後再去練波, 經常攪到對腳勁抽筋. 之後頂唔順, 只好車輪戰隔星期練習. 所以操練時間其實唔係好夠.

最滴汗係臨正式比賽前兩星期,因練跑而觸發腳板筋膜炎, 雖然唔嚴重, 但心靈已經重創. 要知道100公里的路程中, 對腳要承受何等大的磨鍊. 毅行者這樣的隊際賽, 最大的心理包袱就係唔好連累隊友. 所以在比賽前便史無前例地加強腳部護理, 又按腳, 又浸熱水, 又蒸油.....任何可能有幫助的方法都會試. 最重要是比賽前的一星期,每天都祈恆禱, 希望情況唔好惡化. 最後, 神是聽禱告的, 今次整個路程都冇事, 更意外的是....連抽筋都冇! (繼上個月祈禱求神俾我在發燒其間仍然有力去打籃球賽後, 又一次經歷神的大能!) 雖然賽後聽到很多鼓勵的說話, 但自己心裡知道自己的力量從那裡來.


上到雞公山頂, 終於下起雨來. 只好放慢腳步, 慢慢落山, 免得跣一舖後可以提早返屋企.
去到水浪窩已經天黑, 享受完支援隊伍5星級的服務後, 繼續行程.

在基維爾營CP小休, 補給了大量燒賣和豬展湯!

去到獅子亭, 養和 Support Team 又再發揮"優質服務 . 卓越護理"的院訓, 為各隊友療傷. 在這裡要再一次多謝養和 Support Team 的辛勞付出, 給我們5星級的支援! 咁大個仔, 都未試過享用過咁好的招呼!

完成一半路程了!

大帽山今次要叫大霧山.

最後一段的上山路特別多上落斜和樓梯, 練習時只行九十段大家都覺得好輕鬆, 但今次行咗一二三四五六七八九段後, 最後這一段大家都嘮叨不斷.

終於入到大棠, 面口開始有番笑容

衝線一刻, 沒有太大感覺, 只知多年來的其中一個願望已完成. 好似又少咗個目標咁.

終點線竟然撞到朋友在這裡做公義工, 即時幫我影張勝利相

最終完成時間: 31 小時51分. 超出預期!

 今次毅行之後, 發現其他隊友其實好堅, 早在第二段已觸發傷患, 但仍然忍著痛完成全程. 勁!

    昨晚慶祝會上, 回味這數個月的操山片段, 大家都樂在其中.
    大家都在想: 如果冇傷患, 如果冇落雨, 完賽時間可能......下年......
    麥徑其實好悶, 我還是喜歡漫步山野, 欣賞美麗的大自然, 遊走在神的奇妙創造之間!